~心靈的花園~

Sunday, March 11, 2001

學"車"!!

中午去飲茶，來了這麼久還是第一次！吃了久違了的燒包，燒賣，仲有咸水角和炸，好好味=P
而今晚，本來諗住開始做野，搞番報ｕ的事情．點知食完晚飯後云仙和ｃｊ好好興緻，話要去踩單車！但問題來了，１我唔識踩２冇三架單車３冇女仔單車．當然，問題一的解決方法就是我學啦，這本來就是我一直的計劃，但咁突然話要學，就差咁ｄ心理準備；不過都好，有佢地兩個大男孩教我，就唔駛驚跌啦！而問題二對於交遊廣闊的ｃｊ來說，更加是濕濕碎．但問題三就較棘手，問完所有有可能的人之後，始終都借唔到．不過都算啦，男仔單車都照踩住先啦！
去到一個空地，首先是ｃｊ教我踩：眼望前面，重心向前，踩高的腳踏先，要不停踩先會ｋｅｅｐ住去，如果想跌就向反方向挨..... 好明白，就去啦.... 但係理論永遠是容易過實踐的，我都好想ｋｅｅｐ住踩，但就係唔知點解會踩唔實個ｐｅｄａｌ，然後就側埋一面！ｃｊ示範了好多次，好輕而易舉就上到車了，但我就連坐上去都好辛苦！他替我扶住單車等我練，真的難為他，一定勁累！試了許多次，笑就有我份，踩就好唔掂！根本架單車對我來說就太高（雖然佢地已經好盡力地幫我找一輛最矮的了），我連腳尖都只是僅僅掂地而已，好辛苦都踩唔到上去．　然後到云仙教我，因為他也是踩著一架太高的單車，比較明白我的難處．佢真係好有心機諗點教我，於是帶我去路邊ｄ石””度，等我可以一邊腳掂到地．當然，”唔跌下係唔會學得識”的，於是佢就冇扶我，只在一面看著我踩指點我．在這兒踩好像真的容易一點，於是乎，成晚我就在ｅｃｏｎ　ｌｉｂ前面踩來踩去（但都只不過係學上車咋喎！），我諗來來回回真係成百次都有！唉，但可能運動白痴就係白痴的了，我始終都係學唔識！我另一面腳就係點到踩唔中個ｐｅｄａｌ，就算有時（絕無僅有地）踩得中，都踩唔到底，於是架車又開始側.....其實我覺得自己都唔係好怕跌丫，又唔會死，也不會好傷ｏ者我諗！到底點解會踩唔到呢?　本來云仙說今晚學不識就不准走，我心諗咁你地要陪我踩天光，好似你地慘ｄ喎！但最後他們也替我找了一個學唔識的藉口，就是單車始終太高，話遲ｄ搵架女仔單車再教我踩。唉，真係多謝你地，咁有心機教我踩，但我都學唔識，仲要幫我搵埋解釋來令我好過一點..... 真係多謝哂...唉，希望真係是單車問題令我踩唔到啦，如果唔係... 真係灰....
於是，單車沒有學成，回來的時候，他倆就踩單車，而我就跑步回ｃｏｌｌｅｇｅ．個情景真係得啖笑！正常應該係女仔踩單車，男仔跑步，係咪？但我地就調轉囉，真係搞野！不過好耐冇跑過步，雖然今晚都有ｄ大風，但係月光下跑步都幾好丫，哈哈！跑下步，精神ｄ，健康ｄ嘛！回來後，一身汗，面色紅潤，好爽！唔，天氣開始暖些，要多ｄ去跑步先得！！

by jojoju at 10:19 PM |