~心靈的花園~

Monday, March 05, 2001

作病...

今晚成身軟哂,，手腳仲有ｄ酸痛，真係好似作病咁.....癱在ｓｏｆａ上聽音樂，不知不覺睡著了．但其實好舒服，在香港怎可能可以這麼”嘆”？！　直到ｃｊ來敲我房門，聊了一會，被他罵我來了成個ｔｅｒｍ連ｃｏｌｌｅｇｅ　ｂａｒ在那裏也不知道！！　，好奇咩？唔去就唔知嫁啦！於是他看不過眼，便帶看”遊”ｃｏｌｌｅｇｅ了....現在我不但知道college bar 在那裏, 也知道Squash room, Theatre, 羽毛球場在那裏,仲在JCR撞到Js 和 S!! 終於見識到他們經常流連的Game pool 的情況了，哈哈！
本來都有些猶疑，但既然都出去了，還是去琴房玩下琴啦....練琴，練琴，練琴....到底怎樣才可以彈得好呢？好像怎麼也沒有進步.....夢想不能成真的心痛，又悄悄爬進我心間........ 算了吧...
今朝一早去了取機票，又買了保險，現在只要ｃｏｌｌｅｇｅ信就可以去簽ｖｉｓａ了，希望順順利利啦！！
然後又開始睇ｒｅａｄｉｎｇ，最後一份ｔｕｔ了，要好頭好尾！！今次做ｓｃｈｉｚｏｔｙｐｙ，終於是有關ｃｐ多些的題目，且看如何.......
今天再去了ｕｐａｒｋ，今次冇餵鴨，也沒有帶書去看，只是一直慢慢在踱步.... 在湖畔與黑白天鵝”狹路相逢”... 嘩，佢地都好堅ｏ者，真係完全唔怕人，我站住不動，牠竟走到我面前，好近好近，反而係我有ｄ驚佢囉！！佢可能以為我有野食餵佢啦，但ｓｏｒｒｙ，今次冇呀．我費事佢誤會我有得餵佢，於是就開始行啦，點知佢對眼一直”啄”住我，個頭跟住我行的方向轉，嘩，真係嚇親我，駛唔駛咁”啤”我先？！都係快行，恐防佢一時唔滿意撲埋我度.....
我想今天可能真係冇咩人來餵過佢地，我也是頭一次見那些鴨類動物自己用天賦本能找吃的－－插頭入水搵魚吃！哈哈，原來好得意的，會成個頭”中”入水，個身垂直，但只得一半在水面，然後可以見佢肚腩和”ｐａｔ　ｐａｔ”那些好肥好似公仔的部位，和一雙橙色的腿係咁踢，真係好得意！　點解佢地咁”中”法都唔會沉的呢？好可愛=P
睇佢地捉魚吃，我又想了些事情...其實在湖面望下去，真係完全見唔到水入面有冇魚，所以ｄ鴨係一定要插個頭入水，即使這樣其實令佢地”失哂身位”，可能會沉（雖然我知應該係唔會的），甚至可能讓其他動物有機可乘偷襲牠們，但牠們仍是要這樣做的，因為這是牠們求生的唯一辦法(provided that 冇人會再成日走去餵佢地啦）.... 我自己也是一樣，其實人生就是有許多uncertainties，你必須親自探頭去摸索，就算有時會驚，會危險，會撲個空，但這就是人生了....如果不肯這樣”中”個頭埋去，想必就算有再多魚在湖裏，也只會是無福消受..... 唔知呢，其實做人可以好簡單，也可以很複雜，就是看我們怎去演繹！又或者，我諗咁多都係好無謂，反正這一切好可能只是自己的projection，跟鴨兒魚兒又有啥關係呢？！
算了吧，真的很疲累，還是早點睡吧........

by jojoju at 9:53 PM |