~心靈的花園~

Friday, March 09, 2001

新奇/刺激! =P

今午參與了一項"新奇"的活動(對我來說啦!)，就是去exam school湊云仙！這兒的考試好得意，要著goan赴考，襟前還要帶花，第一天帶白花，最後一天帶紅花，中間的日子就帶粉紅色的花！我和cj一早去了買汽球和香檳來賀云仙考完試（買了隻跳跳虎的汽球，但是一隻太”重”的跳跳虎，飄唔起，成日撞到人=P)　來到exam school後門，越聚就越多人，大家都拿著汽球，花，香檳，彩色的紙碎，肥皂泡.....各種各樣好玩的來等朋友出來.... 哈哈，好似ｄ FANS企係電視城門口等偶像出來一樣，好得意！當我們的目標人物正走出來的時候，大家都好興奮咁大叫，又上前送花送汽球，熱熱鬧鬧的哄著影相.....而當主角冷不防的時候，就是頑皮的朋友仔”chalk"香檳噴他的時候！哈哈，好搞笑！而云仙真係幾幸福，好多人鍚佢，收得最多汽球都怕係佢了！

這樣考試，這樣慶祝考完試，對我來說真的很新奇！雖然hku也有勁過飯，勁過揮春，勁過燒豬，勁過利是......但這裏似乎更好玩，哈哈！

湊完云仙後，我很快地吃了個quick lunch，就跟積奇他們一起去睇波了．今日是college的cuppers final，由Wadham對Magdalen．據說Wadham已經連贏兩年，今年目標三年霸，咁我當然就更加要捧場啦！本來約了史提夫，點知佢突然病了，以為就此冇得去睇，點知又給我碰到積奇！失而復得，更令人興奮！（雖然冇得畫面，冇咁好玩=P）

去到球場，嘩，wadham的聲勢真係浩大喎！到場的Fans是Magdalen那邊的兩倍有多！勁呀！最堅的仲要係連warden，domestic bursar，porter和眾tutor都來睇波，真係好俾面！（大家都在想，咁college裏面不也變成真空，好像全世界都來了睇波！據說有些tutor還要為了這場波改tut的時間，等ｄ人可以來捧場，真係好誇！）好快就開波了，大家都好落力地打氣．上半場Wadham有幾腳好有睇頭的射球，只可惜對方個龍門真係幾掂，一一都給他撲出了！就係咁，上半場的拉据戰就以零比零結束，雙方勢均力敵．而下半場亦好快就再開始，大家都看得很肉緊，所有人都已經站起來看，當然我也是！間中又有人吹起剌巴來，大家的cheers又好好笑，個氣氛真係好好！只可惜，後防失手了，被對方先入一球！大家都覺得有點愕然，但很快又再喊cheers激勵班球員！我都叫到聲嘶力竭！可是這還是沒有幫助，不久Wadham又再失一球；但好明顯，大家都覺得明明係越位在先！接著下來，球證的表現都令我們很不滿意，擺明係偏幫Magdalen，係咪都吹我們犯規，佢地果邊起哂飛腳都唔吹！真係好激氣！就在這時，又一球入網，輸到三比零，真失望.....不過其實我覺得，打到呢度，後防班人真係要好好檢討，因為真係守得太差，給對方太多機會直闖禁區，而最尾輸的一球，基本上我覺得個龍門已經唔係好盡力去救波了.... 隨著第三球的入網，天也下起雨來，真的.....　還有少許時間，真希望起碼可以破蛋．臨完場前其實有一腳勁靚，幾乎可以凹死個龍門，但對方實在太強了，真係”拗”哂腰飛撲，仲俾佢救到！而當雨停的時後，雞聲一比賽也結束了．

Wadham是圓不了三年霸的美夢了，但其實對方又真係打得好，輸波都冇得怨什麼(除了那球證真的要被人噓外！）上半場雖然悶了點，但下半場都算是一場精彩刺激的比賽！可以現場睇波，與其他人一起叫喊，也實在很不錯了！

回到college，今次竟是被人”撩”去彈琴．也好，終於見識到另一個史提夫的琴藝了！雖然說兩年冇彈過琴，但功力依然喺度，更可想象當年啦！點解在這裏認識的兩個steve彈琴都係咁勁的呢？真係羨慕死人....... 不過都係唔痕得咁多，我有我enjoy就算了=P !

by jojoju at 10:13 PM |