~心靈的花園~

Saturday, March 10, 2001

The Beautiful Game

放假，ｃｏｌｌｅｇｅ要清場，今日見個個搬哂ｄ野走，看來從此ｃｏｌｌｅｇｅ就要變得好靜局了．連樓下的云仙也要回香港，成棟ｓｔａｉｒｃａｓｅ只剩下我一個，突然覺得好唔慣．
今日與云仙和ｃｊ落ｌｏｎｄｏｎ，終於看ｍｕｓｉｃａｌ了，叫ｂｅａｕｔｉｆｕｌ　ｇａｍｅ．個故事都幾複雜，以踢足球為背景，又牽涉ｉｒｉｓｈ和ｅｎｇｌｉｓｈ的衝突．原本聽過ｓｏｕｎｄ　ｔｒａｃｋ，覺得一般，誰知到現場，加埋演員，背景....真係好好多，發現ｄ音樂真係好正．只可惜我的英文實在太ｃｒａｐ，我想成場我最多只聽得明三成！唉......不過雖然因而一定程度上影響我去欣賞，但我依然覺得套ｍｕｓｉｃａｌ　ｅｎｊｏｙａｂｌｅ，否則實在太浪費了！
睇完ｍｕｓｉｃａｌ，我們就四圍逛街，到了這裏出名的百貨公司ｈａｒｒｏｄｓ行，果然好ｈｉｇｈ！個ｔｏｉｌｅｔ係要你在那兒購物先可以入去，否則就要俾錢先可以用..... 我起初唔知道，只以一張十幾磅的ｒｅｃｅｉｐｔ就企圖走入去（其實唔係我想去，而係云仙佢地話我一定要參觀下這兒的洗手間喎>.<）守住ｔｏｉｌｅｔ門口的阿姐指指個牌，原來係要超過１００磅的單先可以免費入去！嘩，駛唔駛呀，個ｔｏｉｌｅｔ真係鑲金咩，咁貴！但佢都好好人，笑兩笑後就放我入去了．參觀過後，ｗｅｌｌ，係幾靚，好似五星酒店咁，但都係唔駛咁貴ｏ者！=P
跟住就去了行名店街，個感覺同行中環沒有兩樣（應說中環抄得好似）但因為已經七點幾，基本上都只係ｗｉｎｄｏｗ　ｓｈｏｐｐｉｎｇ．不過就算佢地未閂門，一樣都係ｗｉｎｄｏｗ　ｓｈｏｐｐｉｎｇ，名牌野從來和我無關啦！

by jojoju at 8:19 PM |