~心靈的花園~

Sunday, May 20, 2001

扮大廚 =P

哈哈,相信今日的entry會令雪人好"心動", 因為我會講煮野食=P
自從在london朋友學師回來後, 就一直嘗試各樣菜式... 早陣子做了海南雞飯;之後佢地班人就好似addicted咁, 成日都煮....今日的lunch, 買了罐菠蘿回來, 整菠蘿炒飯, 只可惜沒有提子乾... 但cj都話好味,我都好滿足 ^^.... 今晚,嘻嘻, grilled fish -- 成功!! 連本來唔喜歡吃魚的我都覺得幾好食, 云仙都讚好味 =P 另外煮了北菇雞,今回試了新做法,盡量令雞肉不會變"hai", 而且就算沒有太多seasoning都好甜和夠味^^ 而云仙又唔知做乜,堅持話我那些瑤柱乾係靚d, 用來煮菜會浪費, 於是原隻落去蒸,再打個蠔油芡; 又真係唔錯喎, 雖然好似poshd =P 基本上已經食得好飽, 但仲有甜品--什果西米露, yummy yummy!
原來這幾星期中我們真的煮過好多不同的食物, 冇上個term 咁悶;仲自己發明食譜,整甜品!! 一開始係我整芒果布甸, 然後到云仙的椰汁糕; 跟住又到我的Jelly糖, 接續云仙的渣咋... cj的西米露當然也沒有失傳... 不過這些都只是傳統普通的甜品,沒啥特別! 其實我地最精彩的是....哈哈,好立克布甸!!!!事緣我地有晚忽發奇想, 在理論上有魚膠粉就會凝固啦, 好立克味不是沒可能喎... 於是就沖了一大碗好立克, 落奶落糖, 最重要當然係魚膠粉啦... 雪了一晚, 真係實喎, 好似布甸咁, 好味 =P 嗯, 我話過今個term要焗蛋糕的, 剩下的日子不多了,要快d試整先得!!
講了一大輪, 相信大家其實真的不難想像,現在的我到底胖了多少....唉,算啦... 反正,一向都係肥....唔照鏡算囉 =P
(雪人:你唔駛"恨", 我應承過會回來煮給你吃就一定會做^^)

by jojoju at 10:32 PM |